धनुषा,१२ कार्तिक जनकपुरधाम। प्रदेश नं.२ सरकारको निर्णय र मुख्यमन्त्री मोहम्मद लालबाबु राउत गद्दीको चहना अनरुप मधेश आन्दोलनको क्रममा आठ वटै जिल्लाहरुबाट शहिदका परिवार र गम्भीर घाईते भएका पिडितहरुलाई अवस्था अनुसारको जागिर तथा अार्थिक सहयोग समेत गरिदै अाई रहदा अाज महोत्तरी र रौतहट गरी दुई जिल्लाका दुईजना मधेस अान्दोलनका गम्भीर घाइतेहरुलाई नगद आर्थिक सहयोग उपलब्ध गराउनु भएको छ ।
मधेश आन्दोलनका घाइतेहरुलाई आर्थिक सहयोग उपलब्ध गराउने प्रदेश सरकारको निर्णय अनुरुप मुख्यमन्त्री मोहम्मद लालबाब राउतले दुबै घाइतेलाई चेक हस्तान्तरण गर्नु भएको हो ।
मुख्यमन्त्रीको कार्यालय मधेस भवनमा आयोजित चेक हस्तान्तरण कार्यक्रममा मुख्यमन्त्री मोहम्मद लालबाबु राउत गद्दीले मधेश आन्दोलनका घाइते महोत्तरीका शंकर पासवानलाई नगद रु.दुई लाख र रौतहटका रणविरकुमार सिंह राजपुतलाई एक लाखको चेक हस्तान्तरण गर्नु भएको हो ।
प्रदेश नं.२ सरकारले अहिले सम्म मधेस अान्दोलनका १३ जना गम्भीर घाइतेहरुलाई चेक हस्तान्तरण गरि सकेका छन । प्रदेश नं.२ सरकारले मधेश आन्दोलनका घाइतेहरुलाई अवस्था हेरी नगद रु. पचास हजार देखि रु.तीन लाख सम्म उपलब्ध गराउने निर्णय गरेको छ ।